Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Gregorius

40 ein teil ringer würde
    die ich durch mîne müezikeit
    ûf mich mit worten hân geleit.
    wan dâ enzwîvel ich niht an:
    als uns got an einem man
45 erzeiget und bewæret hât,
    so enwart nie mannes missetât
    ze dirre werlde sô grôz,
    er enwerde ir ledic unde blôz,
    ob si in von herzen riuwet
50 und si niht wider niuwet.
     Von dem ich iu nû sagen wil,
    des schulde was grôz unde vil
    daz si vil starc ze hœrenne ist,
    wan daz man si durch einen list
55 niht verswîgen getar:
    daz dâ bî neme war
    älliu sündigiu diet
    die der tiuvel verriet
    ûf den wec der helle,
60 ob ir deheiner welle

[ zurück ]